محتاسه في الميك اب اتفضلي البعض للمساعده

1- makeup base

ده يا حلوين بيتحط قبل الميكب خالص

يعني بعد متغسلي وشك و تحطي تونر و كريم مرطب و تسيبيه دقيقة البشرة تمتصة (((و دي بداية اي ميكب حلو و صحيح)))
تقومي تحطي الميكب بيس ده قبل الفاونديشن

1- بيحمي الوش من الميكب نفسه يخفف امتصاص البشرة للميكب يعني
2- يدي نضارة للوش

3- يخلي شكل الفاونديشن حلو باضاءة حلوة من غير اي تشققات او حاجة بايظة
ده جربته قبل كدة من عند واحدة صحبتي لسة هشتريه في الخطة الخمسية الجاية بس منمرة كدة على كام نوع


1- ده من ميكب فوريفر:





البيس الاخضر : يغطي الاحمرار .
البيس البنفسجي : يغطي الاصفرار والشحوب .
البيس الابيض : يفتح لون البشره .
البيس الزهري : يغطي البهتان خاصه للبشره المائله للبياض .
البيس البرتقالي : يعطي رونق للبشره السمراء.
البيس الاصفر : يستخدم في الاضاءه القويه ويمتص الضوء.
البيس الازرق: يستخدم للبشره الشديدة البياض الباهته .


2- ده من كوفر ديرم



لما اقرر و اجيب واحد فيهم و استعمله ههقولكوا انهي احسن بس زي مقلتلكوا اللي جربت حاجة منهم تقولنا برضه



2- foundation


1- maybelline mouse dream






2- من بورجوا
bourjois brush foundation





جربت كتير و قليل و برضه مفيش احسن منه في العااااااالم، تحفففففة و ناعم جدا و بيتفرد هوا عالوش ،بيخلي بشرتي زي البيبيهات صافييية و ناعممممة حتة واحدة كدة و متحسيش ببوجوده اصلا و الاحلى انه مش بيعمل لمعة و اييييه شعر شعر شعر هشعر فيه للصبح والله شكله طبيعي موووووت مش محتاج باودر بعديه بس انا بحط لوس باودر خفيف كدة عشان برضه وشي ميلمش تراب ((هنبقى نتكلم عنها بعدين))
للاسف مش موجود هنا انا بجيبه من السعودية
بس في سايت لقيته عالنت بيبيعه جوا مصر ب 150 جنيه و هو بيوصلوا للبيت
لو انتي بيضه او قمحية درجة light 2 هتبقى حلوة اوي
لو سمرا شوية السمار المصري الحلو العادي بتاعنا ده light 5
لو سمارة خالص في درجات تانية بقا موجودة عالسايت




مبدأيا ب 130 و كنت جبته من العزبي و في ناس قالولي في faces هيبقى ارخص شوية
بصوا هو ليه مميزات و عيوبة
مميزاته: ان الفرشاه اللي فيه بتخلي وضعه سهل و سريع جدا ده غير انه oilfree يعني مفيهوش دهون و ده مناشب جدا لبشرتي الدهنية البشرة بتشربه على طول مبيلمعش و ملمس وشي بيقى عادي كأني مش حاطة حاجة طبيعي خالص يعني


عيوبه: تغطيته خفيييييييفة جدا و ده حلو في الاوقات اللي بشرتي صافيه فيها لكن وقت الحبوب و الهالات و الاجهاد ((و ده الوقت الاكبر طبعا عشان كليتي مطلعة عيني))) بيبقى موضوع التغطية الخفيفة ده مش نافع اوي
المشكلة الفظيييييييعة بقا ان مدته ثباته صغيره جدااااااااااا اخرك ساعة و نص ساعتين بالكتير


فانا بستعمله للخروجات السريعة رايحة عند جيراني نازلة اعمل مشوار قريب جالي البيت حد فجأة حاجة كدة عارفة انها مش هطول لكن للشغل او الكلية او سهرة مينفعش خااااالص الا لو عارفة ان في حمام قريب تقدري تقدري بقا تحطي كل شوية

من الاخر انا بصراحة مش هجيبه تاني رغم المميزات اللي فيه


3- من اوريفليم
visions-v-fresh-face-foundation


ده بقا ايام الزنقات المالية و والله كتير بستعمله في الخروج بتاع كل يوم الكلية و الكورسات (بس في حالة ان الميبيلين قرب يخلص و صعبان عليا اخلصه)
بأمانة هو تحفففففففففة و ماشاء الله طبيعي جداااا و مش بيعملي حبوب و مش تقيل و بيقعد وقت كويس بس مشكلته انه رخيص طبعا هتقولوا عبيطة دي ولا ايه بس اعمل ايه هي عقدة نفسية اني مبحبش استرخص في وشي

ده غير اني مقدرش اتخلى عن ميبيليني حبيبي فترة طويلةبيوحشني اله
سعره وقت العرض بيبقى 24 جنيه و في الععادي 39
### للعلم نازل العرض بتاعه الشهر ده و باقي 5 ايام و الشهر يخلص الحقوه بقا على ضمانتي و افتح درجة حلوة مش فاتحة اوي تناسب معظم الناس البيض و القمحاويات بدرجاتهم



3- من كوفر ديرم




مجربتوش بس اسمع انه هااااايل بيصفي جدا و حلو في التغطية التقيله يعني ينفع للسهرات و المناسبات الجامدة و انشاء الله ناوية اجيب واحد ده بالنسبة للي فوق





اللي تحت ده لتشكيل البشرة يعني الحروق و التشوهات الجامدة اللي في الوش بتتظبط كلها انشاء الله بيه و اللي فوق كمان ينفع اويييييي بس التاني ده للحالات المستعصية مووووت يعني


هكملكوا والله كللللللللللللللللللل حاجة بس شوية كدة احسن تعبت و قوليلي ايه رأيكوا صحيح